२१ वर्षीया युवतीको हत्यामा संलग्न श्रीमानसहित ३ जना पक्राउमा
सांकेतिक तस्बिर
तौलिहवा : कपिलवस्तुको बाणगङ्गा नगरपालिका-८ बालापुरमा स्थानीय २१ वर्षीया सुनिता थारूको हत्या भएको छ ।
सुनिताको हत्या गरी फालिएको अवस्थामा घर नजिकैको बाणगङ्गा खोला किनारमा सोमबार बिहान शव फेला परेको प्रहरीले जनाएको छ । हत्यामा संलग्न रहेको आशङ्कामा प्रहरीले मृतक सुनिताका श्रीमान् २१ वर्षीय सुरेश थारूसहित ३ जनालाई पक्राउ गरेको प्रहरी उपरीक्षक अच्युतम् पुडासैनीले बताए ।
घटनाबारे थप अनुसन्धान भइरहेको प्रहरीले जनाएको छ ।
