दुरसंचार ऐन विपरित सीम कार्डको विक्री गरेको आरोपमा दुई जना पक्राउ
काठमाडौं : दुरसञ्चार कम्पनीले निर्धारण गरेको सर्त तथा मूल्य फरक पारेर ग्राहकको पहिचान खुल्ने कागजात समेत नराखी एनसेल र एनटीसीको सीम कार्ड विक्री गरेको आरोपमा प्रहरीले दुई जनालाई पक्राउ गरेको छ ।
उनीहरुलाई महानगरीय अपराध अनुसन्धान महाशाखा, टेकुको टोलीले बुधबार दिउँसो बालाजुबाट पक्राउ गरेको एसपी सोमेन्द्रसिंह राठौरले बताए । पक्राउ पर्नेमा दोलखाका दिलबहादुर खत्री र राजकुमार दाहाल छन् ।
पक्राउ परेका दुवै जनामाथि दुरसञ्चार ऐन, २०५३ को कसूर अन्तरगत म्याद थप गरेर अनुसन्धान भइरहेको छ ।
