धरानमा बस दुर्घटना : चालकसहित ४ जनाको मृत्यु, २ को सनाखत, ३५ यात्रु घाइते
काठमाडौं : सुनसरीको धरानमा २ ख २७१३ नम्बरको बस दुर्घटना भएको छ ।
धनकुटाको चौबिसे गाउँपालिका बुधबारेबाट धरानतर्फ आउँदै गरेको को २ ख २७१३ नम्बरको बस धरानको जिरोप्वाइन्टमा दुर्घटना हुँदा ४ जनाको मृत्यु भएको छ, ३५ जना घाइते भएका छन् ।
दुर्घटनामा मृत्यु हुने चालक चक्रबहादुर गुरुङ, यात्रु बलबहादुर मगरको मात्र पहिचान खुलेको छ । प्रहरीका अनुसार एक महिला र उनकी छोरीको नाम खुलेको छैन । घाइतेहरुको धरानकै वीपी कोइराला स्वास्थ्य विज्ञान प्रतिष्ठानमा उपचार भइरहेको छ । सोे बस ब्रेक फेल भई दुर्घटना भएको प्रहरीको भनाइ छ ।
