अञ्जु पन्तको यो ‘पुरानो’ तस्विरले सर्वसाधारणदेखि नेतासम्म झुक्कियो
चर्चित गायिका अञ्जु पन्तले केहि समय अघि वीरगन्ज कारागार भित्र रहेको समता स्कुलका विद्यार्र्थीहरुलाई निःशुल्क कापी, झोला लगायत सामाग्रीहरु वितरण गरेकी थिईन् ।
पन्तले आफ्नो सहित उक्त सामग्रीको तस्बिर फेसबुक वालमा पोस्ट गरेकी थिईन । पन्तको उक्त तस्विर सामाजिक सञ्जाल प्रयोगकर्ताले बाइबल र केही राहत सामग्री बोकेर पन्त बारा पुगेको दाबी गर्दै धमाधम विरोध गरेका थिए । तर, भाइरल बनेको उक्त तस्बिर अहिलेको नभएर पुरानो भएको खुलेको छ । त्यो पनि अहिले दाबी गरिएजस्तो बाइबल नभएर किताब-कापी भएको खुलेको छ ।
सामाजिक सञ्जालमा यो तस्बिर भाइरल भइरहँदा राप्रपा अध्यक्ष कमल थापासमेत हल्लाको पछि लागेर हेलो सरकार र प्रधानमन्त्री केपी शर्मा ओली समेतलाई झक्झकाउन पुगेका छन् ।
आफ्नै नामबाट अञ्जु पन्त फाउन्डेसन स्थापन गरेर पछिल्लो समय सामाजिक काममा सक्रिय पन्त केही पहिले हिन्दू धर्म त्यगेर क्रिस्चियन बनेकी थिइन् । त्यसयता उनको विभिन्न समयमा क्रिश्चियन धर्मको प्रचारमा लागेको भन्दै आलोचना समेत हुँदै आएको थियो । यही क्रममा यो पटक भने गलत ढंगले प्रचार भएको पाइएको हो ।
