१०३ किलो गाजासहित एकजना पक्राउ
हेटौंडा : प्रहरीले लागूऔषध गाजासहित मकवानपुरमा एकजनालाई पक्राउ गरेको छ ।
राक्सिराङबाट गाजा लिएर आउँदै गरेको सूचनाको आधारमा गएको प्रहरी टोलीले ग१ज ७२१९ नम्बरको बोलेरोमा रहेको गाजासहित राक्सिराङ-५ का पूर्णबहादुर थिङलाई पक्राउ गरेको हो ।
बोलेरोमा मनहरीतर्फ ल्याउँदै गरेको अवस्थामा १०३ किलो ग्राम गाजासहित थिङलाई पक्राउ गरिएको प्रहरी नायब उपरीक्षक यज्ञप्रसाद भट्टराईले जानकारी दिए ।प्रहरीले बोलेरोबाट प्लाष्टिकको ५ वटा बोरामा प्याक गरेको १३ वटा पोका फेला पारेको थियो । घटनाबारे थप अनुसन्धान भैरहेको प्रहरीले जनाएको छ ।
