“द कपिल शर्मा शो” : के अतिथि नै बनेर गएकी हुन् त निकिता चाण्डक ?
पूर्व मिस नेपाल निकिता चाण्डकले डेब्यु गर्ने भनिएको फिल्म रानीमहल नबनेपनि उनको चर्चा भने सेलाएको छैन । हालै विराज भट्टको फिल्म साङलोमा अनुबन्धित भएकी निकिताले भारतमा रहेर मोडलिङ यात्रा थालेकी थिईन ।
उनै निकिता चर्चित भारतीय रियालिटी शो द कपिल शर्मा शोमा अतिथी बनेर पुगेकीछिन् । बलिउड फिल्मको प्रमोसनका लागि सबैभन्दा धेरै डिमाण्ड रहेको कपिलको शोमा उनी अतिथी बनेर पुगेकी हुन् । हालै निकिताले शोका चर्चित कमेडियन किकु शारदा (बच्चा यादव) सँगको एक तस्बिर सेयर गर्दे आफुलाई शोमा अतिथीको रुपमा निमन्त्रणा गरेकोमा किकुलाई धन्यवाद दिएकीछिन् ।
उनले लेखेकीछिन् “मलाई द कपिल शर्मा शोमा निमन्त्रण गरेकोमा किकु सर धेरै धेरै धन्यवाद” । उनले किकुको प्रशंसा गर्दे लेखेकीछिन् “तपाई जस्तो मेहनती , दयालु र नम्र मान्छे मैले भेटेकै छैन”। किकुको मुक्तकण्ठले प्रशंसा गरेकी निकिता शोमा जान पाउदा निकै खुसी भएको आशय व्यक्त गरेकीछिन् । निकिताको यो पोस्टले पनि बुझ्न सकिन्छ उनीहरुबीचको मित्रता र चिनजान पुरानै थियो ।
अब निकिता शोमा कुन उदेश्यले पुगेकी हुन् । उनी अतिथी नै बनेर गएकी हुन वा हेर्न त्यसको बारेमा भने केही खुलाएकी छैनन् । अब हेरौँ निकिता शोमा अतिथी बनेकी नै हुन भने कार्यक्रम प्रसारण भएपछि उनका प्रशंसकहरु खुसी नै हुनेछिन् । सन् २०१७ मा मिस नेपाल बनेकी निकिता चाडै बिराजसंग साङलोको लागि व्यस्त हुनेछिन् ।
