अभिनेत्री वर्षा र अभिनेता संजोगको ‘अफिसियल्ली इन्गेज्ड’
सोमबार राजधानीको एक पार्टी प्यालेसमा अभिनेत्री वर्षा राउत र अभिनेता संजोग कोइरालाले इन्गेज्मेन्ट गरेका छन् ।
‘भ्यालेन्टाइन डे’ अर्थात २ फागुन विवाहको मिति जुराएका यी प्रेम जोडीले सोमबार इन्गेज्मेन्ट गरेका हुन् । इन्गेज्मेन्टमा वर्षा र संजोगका परिवारका केही सदश्य मात्र सहभागी थिए ।
इन्गेज्मेन्टको जानकारी दुबैले सामाजिक सञ्जाल मार्फत तस्बिर शेयर गर्दै गराएका हुन् । लामो समयदेखि प्रेममा रहेका जोडी अहिले विवाह तयारीमा छन् ।
विवाह मिति ‘भ्यालेन्टाइन डे’ भएपनि स्थान भने अहिले सार्वजनिक गरिएको छैन । वर्षा पछिल्लो समयकी चलेकी अभिनेत्री हुन् । उनका लगातार चलचित्र आइरहेका छन्, भने संजोगले पनि केही चलचित्र अभिनय गरेका छन् ।