ट्रकको ठक्करबाट मोटरसाइकल चालकको मृत्यु
पर्सा : पर्साको परवानीपुर सडकखण्डमा भएको सवारी दूर्घटनामा मोटरसाइकल चालकको मृत्यु भएको छ ।
वीरगन्ज महानगरपालिका – ३२ स्थित पर्साको परवानीपुर सडकखण्डबाट जितपुर तर्फ जाँदै गरेको मोटरसाइकललाई सोही दिशाबाट अगाडी गइरहेको ट्रकले ठक्कर दिंदा परिचय नखुलेको मोटरसाइकल चालकको मृत्यु भएको हो ।
परिवानीपुरबाट जितपुर तर्फ जाँदै गरेको ना ६ ख २९०८ नम्बरको ट्रकले सोही दिशाबाट अगाडी गइरहेको ना १६ प १०९९ नम्बरको मोटरसाइकललाई ठक्कर दिंदा मोटर साइकल चालकको घटनास्थलमा नै मृत्यु भएको ट्राफिक प्रहरी कार्यालय पर्साले जनाएको छ ।
ट्रक चालकलाई नियन्त्रण लिइएको प्रहरीले जनाएको छ।
