राजपाद्वारा प्रकोप पीडितलाई तत्काल राहत उपलब्ध गराउन माग
काठमाडौँ : राष्ट्रिय जनता पार्टी, नेपालले बाढी, पहिरो र डुबान पीडितलाई तत्काल राहत उपलब्ध गराउन सरकारसँग माग गरेको छ ।
शनिबार बसेको राजनीतिक समितिको बैठकले तराई लगायत देशका विभिन्न भागमा बाढी, पहिरो र डुबान भएकोमा गम्भीर चासो व्यक्त गर्दै पीडितलाई तत्काल राहत उपलब्ध गराउन सरकारसँग माग गरेको हो।
तराईका विभिन्न जिल्लामा बाढी र डुबानका कारण भत्किएका संरचना तत्काल बनाउन पनि सरकारको गम्भीर ध्यानाकर्षण गराइएको नेता अनिलकुमार झाले जानकारी दिएका छन् ।
