फास्ट ट्रयाकबाट अघि बढाउने भनिएको चिकित्सा शिक्षा विधेयक कार्यसूचीबाट हटाइयो
काठमाडैँ : चिकित्सा शिक्षा विधेयक प्रतिनिधि सभाको कार्यसूचीबाट हटेको छ । शुक्रबार दर्ता भएको विधेयकलाई सरकारले फास्ट ट्रयाकबाट अघि बढाउने तयारी गरेको थियो।
नेपाली कांग्रेसले सरकारले ल्याएको प्रतिस्थापन विधेयक अस्वीकार गर्दै संसद अवरोधको चेतावनी दिएपछि संसद बैठकको कार्यसूचीमा विधेयक नराखिएको हो । प्रतिस्थापन विधेयक अगाडि नबढेसँगै अध्यादेश समेत निष्क्रिय हुने भएको छ। अब सरकारले नयाँ चिकित्सा शिक्षा विधेयक ल्याएपछि मात्र संसदमा प्रक्रिया अगाडि बढ्नेछ ।
विधेयक आउनुअघि नै संसदीय समितिहरू गठन भए समितिहरूमा संशोधनमाथि छलफल भएर मात्र विधेयक अगडि बढ्नेछ । चिकित्सा शिक्षा अध्यादेश अस्वीकृत तथा प्रतिस्थापन विधेयक अगाडि नबढेसँगै चिकित्सा शिक्षा कानुन अनिश्चित कालका लागि पछाडि धकेलिएको छ ।
