सही परीक्षण नभएपछि उत्तर कोरियाले आफ्नै शहरमा खसाल्यो क्षेप्यास्त्र
पटक पटक क्षेप्यास्त्र परीक्षण गरेर चर्चामा आएका उत्तर कोरियाबारे एउटा नयाँ समाचार सार्वजनिक भएको छ ।
‘द डिप्लोम्याट’ नामक एक अन्तराष्ट्रिय पत्रिकाले उक्त समाचारको खुलासा गरेको हो । उक्त परित्रकाका अनु्सार उत्तर कोरियाले आफ्नो अनियन्त्रित परमाणु कार्यक्रमको कारण विश्वकै टाउको दुखाई बनेको उत्तर कोरिया एक पटक आफ्नै कार्यक्रमको शिकार बन्न परेको थियो ।
उत्तरको एक क्षेप्यास्त्र परीक्षण गलत हुन पुगेको थियो र त्यो क्षेप्यास्त्र उसकै एक शहरमा खसेको थियो । ‘द डिप्लोम्याट’ मा प्रकाशित एक विश्लेषणमा यस घटनाबारे उल्लेख गरिएको छ । यसलाई सम्पादक अंकित पान्डा र अमेरिकाका जेम्स मार्टिन सेन्टर फर नन प्रालिफरेशन स्टडीजका रिसर्चर डेव सिजमर्लरले तयार गरेका हुन् ।
यसकारण खस्यो क्षेप्यास्त्र :
रिपोर्टका अनुसार यो घटना २८ अप्रिल २०१७ को हो । अमेरिकी सरकारी सुत्रका अनुसार सो क्षेप्यास्त्र परीक्षण सही तरिकाले हुन सकेन र आफ्नो क्षेत्रभन्दा बाहिर जान सकेन । बिबिसीसँगको कुराकानीमा अंकित पान्डाले भने, ‘सो क्षेप्यास्त्रमा के गडबडी भएको थियो, कसैलाई थाहा छैन ।’ उनले भने, ‘जुन समय क्षेप्यास्त्र लञ्च गरियो, इन्जिनले काम गर्न छाड्यो र आफ्नो क्षेत्र छाड्न सकेन । पान्डका अनुसार सो क्षेप्यास्त्रमा तरल इन्धन थियो । यसको अर्थ क्षेप्यास्त्र जमिनमा खस्दा ठूलो विस्फोट पनि भएको थियो । यसको प्रमाण भूउपग्रहबाट लिइएको तस्विरमा रहेको उनको दाबी गरे ।
क्षति :
भूउपग्रहबाट लिइएको तस्विरको आधारमा कति क्षति भयो भन्ने कुरा यकिन गर्न गाह्रो हुने उनले बताए । यो क्षेप्यास्त्र टोकचोक शहरमा खसेको थियो ।डेव सिजमर्लरका अनुसार क्षेप्यास्त्र खसेको ठाउँमा ठूलो कालो धब्बा देखिएको थियो ।जहिले पनि क्षेप्यास्त्र परिक्षण गरेको दाबी गर्ने प्योङयाङले यो परिक्षणबारे कुनै दाबी गरेन । ह्वासोङ–१२ नाम गरेको यो मध्यम दुरीको क्षेप्यास्त्र थियो । अप्रिलमा परीक्षण असपल भएपछि मेमा पुनः यसको परीक्षण गरिएको थियो जसमा भने उत्तर सफल भएको थियो ।
