योगी आदित्यनाथलाई भेट्न पूर्व राजा ज्ञानेन्द्र शाह लखनउमा
काठमाडौं । पूर्व राजा ज्ञानेन्द्र शाह भारत स्थित उत्तर प्रदेशका मुख्यमन्त्री योगी आदित्यनाथसंग भेटवार्ता गर्न लखनउ पुगेका छन् । नेपालगञ्जको सडक मार्ग हुदै उनी लखनाउ पुगेका हुन् । उनी सर्वसाधारण झै भहराइच बोर्डरमा इण्ट्रि गराई सडक मार्ग हुदै लखनाउ पुगेका हुन् । नेपालका कुनैपनि सरकारी अधिकारीले उनको यो भ्रमणबारे कुनै औपचारिक पुष्टि गरेका छैनन् । बाँकेका प्रमुख जिल्ला अधिकारी रमेश केसिले पुर्वराजाको भारत भ्रमणबारे कुनै पुष्टि गरेनन् ।
सर्वसाधारणको हैसियतमा जानु भा होला तर हामिलाई ओफिसयली कुनै जानकारी छैन, नागरिक टाइम्ससँगको कुराकानीमा उनले भने ‘हामिले सोधखोज गर्ने कुरा पनि होइन खुल्ला बोर्डर छ, सर्वसाधराणको हैसियतमा जो पनि आवत जावत गर्न पाँउछन् । सिमामा अपनाउनुपर्ने नियम अनुसार उहाँपनि जानु भा होला हामिलाई कुनै मतलवको विषय पनि भएन ।’
तर उत्तर प्रदेशका मुख्यमन्त्री योगी आदित्यनाथका प्रेस सल्लाहकार मृत्युन्जय कुमारले नेपालका पुर्वराजा शाहको सहयोगीबाट योगीलाई भेट्ने समय मागिएपनि भेटको समय भने तय नभएको बताए । नेपालका पुर्वराजा भएका हैसियतले योगीजीलाई उहाँले हैन की, योगीजी उहाँलाई भेट्न जाने हो तर कुनै समय फिक्स भएको छैन नागरिक टाइम्ससँगको प्रतिकृयामा उनले भने ‘नेपालका पुर्वराजा आफनै निजि कामले लखनाउ आउनु भएको छ, भन्ने हामिलाई थाह छ उहाँले भेट्नपनि खोज्नु भएको हो तर मुख्यमन्त्रीजीको पहिलादेखि नै बिभिन्न कार्यक्रमहरु तय भएको र उहाँ लखनाउमा नभएका कारण पनि भेटको समय तय हुनसकेको छैन् ।
नेपालगञ्जस्थित सोल्टी होटलका लगानीकर्ता समेत रहेका पूर्वराजा शाहले लखनउ बसाईंका क्रममा होटलका ग्राहक बृद्धिका लागि ब्यापारी लगायतसँग छलफल गर्ने बताइएको छ । त्यसबाहेक लखनउमा रहेका धार्मिक पीठहरुमा पूजाआजापनि गर्ने कार्यक्रम समेत रहेको बुझिएको छ ।
उनको साथमा पत्नी कोमल, छोरी प्रेरणा लगायत छन् । गत पुष १३ गते मध्य तथा सुदुर पश्चिमको भ्रमणका लागि नेपालगञ्ज पुगेका पूर्व राजा नेपालगञ्जबाटै भारतीय शहर नेपालगञ्ज पुगेका हुन् । उत्तर प्रदेशमा हिन्दूवादी भारतीय जनता पार्टी (भाजपा) को सरकार छ र मुख्यमन्त्रीमा गोरखनाथ पीठका पीठाधीस समेत रहेका योगी आदित्यनाथ छन् ।
