कांग्रेस नेता सिटौलाको घर पछाडि बम विस्फोट
काठमाडौं : झापाको सदरमुकाम चन्द्रगढीस्थित नेपाली काँग्रेसका नेता तथा झापा निर्वाचन क्षेत्र नं ३ प्रतिनिधिसभा सदस्य पदका उम्मेदवार कृष्णप्रसाद सिटौलाको घर पछाडि बम विस्फोट भएको जिल्ला प्रहरी कार्यालय झापाले जनाएको छ ।
घरमा सामान्य क्षति भएको छ । गएराति करिब १२ः४५ को समयमा भएको सो विस्फोटबाट शंकास्पद एकजनालाई पक्राउ गरिएको प्रहरी प्रवक्ता जितेन्द्रकुमार बस्नेतले जानकारी दिए । सुरक्षा व्यवस्था कडा पारिएको छ ।
