फोरम नेपालको निर्णयः प्रधानमन्त्रीमा देउवालाई समर्थन गर्ने
काठमाडौ, जेठ २१: उपेन्द्र यादव नेतृत्वको संघीय समाजवादी फोरम नेपालले नेपाली काँग्रेस सभापति शेरबहादुर देउवालाई प्रधानमन्त्रीमा जिताउनका लागि मतदान गर्ने निर्णय गरेको छ ।
नेपाली काँग्रेसले सविधान संशोधन गर्ने तथा भएका सहमतिहरु कार्यान्वयन गर्ने प्रतिवद्धता जनाएको आधारमा समर्थन गर्ने निर्णय गरेको फोरम नेपालका अध्यक्ष उपेन्द्र यादवले बताए । यद्यपी आफूहरु सरकारमा सहभागि नहुने उनले बताए ।
फोरम नेपाल संसदीय दलको कार्यालयमा बसेको बैठकले सो निर्णय गरेको हो । स्थानीय तहको चुनावमा भाग समेत लिएका सो पार्टीले प्रधानमन्त्रीमा शेरबहादुर देउवालाई समर्थन गरेपनि सरकारमा भने सहभागि नहुने जनाइएको छ ।
