मतदाता परिचयपत्र वितरण सुरुः टोलीबाट प्राप्त गर्न सक्ने
काठमाडौं, बैशाख २८ : आउदो बैशाख ३१ गते हुने स्थानीय तहको पहिलो चरणको निर्वाचनको लागि निर्वाचन आयोगले मतदाता परिचयपत्र वितरण सुरु गरेको छ ।
आयोगले आज (बिहिबार) देखि परिचयपत्र वितरण सुरु गरेको हो । आयोगका अनुसार आज, भोलि र पर्सी मतदाता नामावलीमा नाम समावेश भएकाहरुले आ–आफ्नो मतदान केन्द्रमा गई खटिएको मतदान टोलीबाट परिचय पत्र प्राप्त गर्न सक्नेछन् ।
