प्रहरी र स्थानीयबीच तनाव: मोटरसाइकलमा आगजनी
काठमाडाैं, २६ मङि्सर । राजधानी काठमाडाैंको बाैद्ध नयाँ बस्तिमा प्रहरी र स्थानीयबीच ट्याक्सी चालको मृत्युको विषयलाई लिएर तनाव भएको छ । ट्याक्सी चालको शंकास्पद मृत्युको विषयमा स्थानीय प्रदर्शनमा उत्रिएपछि नियन्त्रणको प्रयास गर्दा प्रहरी-स्थानीयबीच तनाव भएको हो ।
आक्रोशित स्थानीयले एक मोटरसाइकलमा आगजनी गरेका छन् । शनिबार अचेत अवस्थामा भेटिएका दोलखा घर भएका, बाैद्ध नयाँबस्ती बस्ने ट्याक्सी चालक ३६ बर्षीय रामकुमार लामाको अस्पतालमा उपचारको क्रममा मृत्यु भएको प्रहरीले जनाएको छ ।
तर स्थानीयले उनको हत्या भएको भन्दै दोषी पक्राउ गर्न माग गरेर प्रदर्शन गरेका हुन् । लामाको शनिबार बेलुका मृत्यु भएको महानगरीय प्रहरी बृत्त बाैद्धले जानकारी दिएको छ । घटनाबारे छानविन भैरहेको प्रहरी भनाइ छ ।बाैद्धमा आक्रोशित स्थानीय र प्रहरीबीच तनाव जारी छ ।
