पूर्व सभापति अरविन्द मेहताको निधन
इनरुवा, मंसिर १७/ जिल्ला विकास समिति सुनसरीका पूर्व सभापति अरविन्द मेहताको निधन भएको छ ।
मुटु,प्रेसर र सुगरको विरामी रहेका मेहताको उपचारका क्रममा धरान स्थित विपी कोइराला स्वास्थ्य विज्ञान प्रतिष्ठानमा ६४ वर्षको उमेरमा निधन भएको हो ।
पंचायत कालमा प्रधानपञ्च समेत बनेका मेहता जिल्ला उपसभापतिका साथै जिविस सभापति समेत बन्न पुगेका थिए ।
मेहता मधेशी जनअधिकार फोरम लोकतान्त्रिकका जिल्ला सल्लाहाकार रहेका थिए ।
मेहताको आजै अन्तिम संस्कार गर्ने पारिवारीक स्रोतले जनाएको छ । मेहताका दुई श्रीमति र दुई छोरा छन् ।