सुनसरी घर भई राजधानीमा सक्रिय रहेका पत्रकारहरु संगठित
काठमाण्डौ । सुनसरी जिल्लामा घर भई राजधानीमा सक्रिय रहेका पत्रकारहरु संगठित भएका छन । बुधवार राजधानी काठमाण्डौ स्थित आयोजित एक भेलाले विश्वमणि सुवेदीको संयोजकत्वमा सुनसरी सञ्चारकर्मी समाज काठमाडौं नामक संस्था गठन गर्दे संगठित भएका हुन ।
भेलाले सहसंयोजकमा प्रकाशचन्द्र परियार र विनोद ढकाल, सचिवमा वीरेन्द्र केएम, सहसचिवमा नवराज विस्ट, कोषाध्यक्षमा नुनुता राईलाई चयन गरेको छ ।
त्यसैगरी सदस्यहरुमा क्रमस भीषण राई, शेखर अधिकारी, मिलन भण्डारी, रामकृष्ण उराँव, शौरभ श्रेष्ठलाई चायन गरिएको छ । राजधानीमा रहेर पनि आफना मातृभूमि सुनसरी जिल्लालाई चौतर्फी रुपबाट समृद्ध बनाउने उद्देश्यले संगठित भएको संयोजक सुवेदीले बताए ।
