Logo
११ आश्विन २०७९, मंगलबार
(June 19, 2016)

‘सामाजिक उत्तरदायित्वका लागि पत्रकारिता’

भट्टराई भन्छन्, तिमी जुन झै हासे म खुशीले बाचौँलाI

प्रवासमा रहेर पनि नेपाली गीत संगीतलाई माया गरिरहने रचनाकाहरु हाल दिनाँनु दिन बढ्दै गएको पाइन्छ ।
यस्तै एक उदाहरण बन्न पुगेका छन् नेपालको बझांगमा  जन्मेर कोरीयालाई कर्मथलो बनाउदै आएका मोहन राज भट्टराई ।

भट्टराईको हालमात्रै तिमी जुन झै हासे म खुसिले बाँचौला….तिमि शुखमा बाचेका म खुसिले नाचुला…बोलको  गीत रेकर्ड भएको छ । 

यीनै रचनाकारको यस गीतमा सुमधुर आवाजका धनि राजेश पायल राई ले आवाज दिएका छन् । यस्तै गीतलाई संगीतकार राजशुक्र लिम्बू ले संगीत दिएका छन् भने गीतका एरेन्जर हुन् बाबूल गिरी । 

आधुनिक तथा सेन्टिमेन्टल यस गीतमा मोहनराजको गीती शब्दहरुले हरेक जोडिहरुमा प्रेमको भावना उर्जागर गर्ने देखिन्छ । हालसालै मात्रै रेकर्ड भएको यस गीतमा माया के हो कस्तो हुनुपर्छ भन्ने कुरालाइ समेत देखाउन खोजिएको छ ।

 मोहनका अनुसार अब यस गीतको म्युजिक भिडियो समेत बनाउने सोच रहेको छ । मोहनको रचनामा अनि शब्द मा खै के त्यस्तो जादुछ कुन्नि उनले लेखेको यो गीत निकै उत्कृष्ठ बनेको छ । गीतको भावले नै झल्काउछ कि यो गीत निकै प्रमिल र चोखोमाया को भावनामा आधारीत रहेको छ । हाल उनको यस गीत युटुबमा सार्वजनिक भैसकेको छ ।  

सानै उमेर देखि गीत संगीत र साहित्यमा रुचि राख्ने मोहन घरको जेठा छोरा हुन् । आफ्नो माता पिताकोे आर्शिवादले यो स्थान सम्म आइपुग्न सफल गीतकार तथा शब्दकार  मोहनले आगामी दिनहरुमानि यस्ता यस्तै आधुनिक गीतहरुको रचना गर्ने बताएका छन् ।

 सानै देखि गीत गजल कविता लगायतका साहित्य सृजनामा लाग्दै आएका मोहनको संख्यात्मक रुपमा धेरै गीत रचना भने भएका छैनन् । तरपनि  उनको यो कदमले नेपाली साँगेतिक जगतमा एक इटा थप्ने कार्यमा साथ दिएको छ ।

 निकै नै मिजासिला र मिलनसार स्वभावका भट्टराई सँगीतमा रमाउन मन गर्दछन्। जे जस्तो भएता पनि सफल रचनाकारको यो सपना पुरा  भएकोमा उनलार्इ बधाइ पनि  ।

प्रकाशित मिति: Jun 19, 2016

प्रतिक्रिया दिनुहोस्