गुण्डा नाइके जसवन्त राईलाई प्रहरीले गोली प्रहार गरेर नियन्त्रणमा
काठमाडौं । गुण्डा नाइके जसवन्त राईलाई प्रहरीले गोली प्रहार गरेर नियन्त्रणमा लिएको छ । उनलाई दुई राउण्ड गोली लागेको छ भने प्रहरीले घाइते अवस्थामा बीर अस्पताल पुर्याएको छ ।
जबरजस्ती रकम उठाउने गरेको उजुरीका आधारमा पक्राउ गर्न गएको महानगरीय प्रहरी अपराध महाशाखाको टोलीमाथि राई उल्टै जाइलागेपछि प्रहरीले गोली प्रहार गर्दा उनी घाइते भएका हुन् ।
उनलाई नियन्त्रणमा लिन खोज्दा उल्टै जाइलागेपछि गोली चलाइएको महाशाखाका एसएसपी सर्वेन्द्र खनालले बताए ।
