Logo
११ आश्विन २०७९, मंगलबार
(May 29, 2016)

‘सामाजिक उत्तरदायित्वका लागि पत्रकारिता’

दिल्लीबाट एक युवतीको उद्धार

बाबु रोका मगर, दिल्ली । कल्याणपुर नगरपालिका जिल्ला चितवन निवासी २० बर्षे लक्ष्मी तामाङ्ग बुटवल कृष्णनगर सिमाना हुदै भारतको राजधानी दिल्ली आउने क्रममा उनि दलालको लहलहैमा अबैध रुपले सिता टुर एण्ड ट्रवल्समा आउदै गरेको जानकारी कृष्णनगर शान्ति तथा पुनर्स्थापनाका पदाधिकारीबाट दिल्ली स्थित नेपाली सामाजिक संस्था नेपाली देशभक्त आवाज र प्रवासी नेपाली संघका पदाधिकारी लाइ जानकारी गराएपछि उक्त संस्थाका पदाधिकारीहरुले तुरुन्तै एक्सन लिएर ति युवतीलाइ दलाल को चुंगलबाट बचाउन सफल भएका छन् ।

नेपाल बाट युवतीलाइ एकजना आशा नाम गरेकी युवतीले विदेश जाने भन्दै प्रलोभन देखाएर भारत, श्रीलंका हुँदै कुवेत पुर्याउने तयारी गरिरहेको क्रममा ति युवतीलाई उद्दार गरिएको हो । ति युवती संगै आएकी अर्की एकजना कल्पना बिक भने संगै आएको बसबाट बीचबाटोमै  रहस्यमय तरिकाले गायब भएकी छिन । उनको खोजि कार्य भैरहेको छ भने आशा लाइ कृष्णनगरमा  शान्ति तथा पुनर्स्थापना र नेपाल प्रहरीले नियन्त्रणमा लिएको जानकारी उद्दारकर्मिहरुले मिडियालाइ बताउनु भयो । लक्ष्मी श्री न।१ वन तथा पर्यावरण सुरक्षा गणमा जागिरे हुन् उनको सात महिना अघि बिहे भएको थियो भने अहिले उनका श्रीमान दुवैमा कार्यरत छन् ।

अहिलेको समयमा यस्ता घटनाहरुको जानकारी हुदाहुदै पनि जानान्जान्मै धेरै पैसा कमाउने सपना बोकेका कयौँ नेपाली युवा युवतीहरु यसरि दलालहरुको जालमा परि आफ्नो जिन्दगी बर्वाद गर्न बाध्य भएका छन् ।

ति युवतीलाई नेपाली देशभक्त आवाज र प्रवासी नेपाली संघका पदाधिकारीहरुले नेपाली राजदुतावासमा लगेर बुझाएपछि राजदुतावासकै आदेशनुसार उनलाई नेपाल सम्म कन्चनपुरको महेन्द्रनगर स्थित शान्ति तथा पुनर्स्थापनाका संयोजक भूमिराज भट्टराइ र प्रहरी प्रशासनलाई जिम्मा लगाईएको छ । नेपाली देशभक्त आवाज र प्रवासी नेपाली संघको पहलमा शान्ति तथा पुनर्स्थापनाले यो भन्दा पहिले पनि भारत बाट १३ जना युवतीहरुको उद्दार गरिसकेको छ ।

प्रकाशित मिति: May 29, 2016

प्रतिक्रिया दिनुहोस्