भारतीय संगीतकार वाजिद खानको निधन, कोरोना आशंका पुष्टि हुन बाँकी
छिमेकी देश भारतका लोकप्रिय संगीतकार वाजिद खानको आइतबार राति निधन भएको भारतीय संचारमाध्यमले जनाएको छ ।
उनको आइतबार राति निधन भएको परिवारलाई उदृत गर्दै भारतीय संचारमाध्यमले जनाएका छन् ।
उनको कोरोना सङ्क्रमणका कारण निधन भएको हुनसक्ने शंका गरिए पनि पुष्टि भइनसकेको खबरमा उल्लेख छ ।
उनको पोहोर मिर्गौला प्रत्यारोपण गरिएको थियो ।कोरोनाले रोग प्रतिरोधात्मक क्षमता कम भएका व्यक्तिको ज्यान लिने गरेको विभिन्न अध्ययनले पुष्टि गरेको छ ।
वाजिद र साजिद खान मिलेर साजिद वाजिदको नाममा भारतका सयौँ चलचित्रमा संगीत दिएका छन् ।
वाजिदले टेलिभिजनका केही रियालिटी शोहरुमा निर्णायकको भूमिका पनि निर्वाह गरेका थिए ।
