अघोषित रूपमा काठमाडौं उपत्यकामा लकडाउन खुल्यो!
४९ दिनपछि आइतबारदेखि अघोषित रूपमा काठमाडौं उपत्यकामा लकडाउन खुलेको देखिएको छ ।
कोरोना भाइरस संक्रमण रोकथामका लागि सरकारले गत चैत ११ गतेदेखि देशभर लकडाउन घोषणा गरेको छ । जुन अझैसम्म जारी रहेको छ । औपचारिक रुपमा लकडाउन हटाएको निर्णय भएको छैन ।
तर काठमाडौंको आजको दृष्यले लकडाउन हटिसकेको हो कि भन्ने भान हुन्छ । किनभने काठमाडौंका सडकमा गाडीहरुको ताँती लागेको छ ।
आइबार बिहान कार्यालय समय सुरु हुने बेला सुन्धारा क्षेत्रमा गाडीहरुको लामो जाम थियो ।
सरकारले भने लकडाउनको अवधि लम्बाउँदै जेठ ५ गतेसम्म पुर्याएको छ ।
आइतबारदेखि काठमाडौं उपत्यकामा सवारी साधन समय निर्धारण गरिएको छ । तर सडकमा लागेको जाम हेर्दा अनौपचारिक रूपमा लकडाउन खुलेको अनुमान लगाउन सकिन्छ ।
