यस्तो छ, भीआईपी नेताहरुहरुको कोरोना परीक्षण [फोटोफिचर]

- नागरिक टाइम्स/संवाददाता

२५ बैशाख २०७७, बिहीबार ००:००

प्रतिनिधिसभाको बैठक सुरु हुनु अघि कोरोना संक्रमित बढेसँगै सङ्घीय सांसदहरुको पनि कोरोना भाइरस परीक्षण गर्न थालिएको छ ।

कोरोना संक्रमित नेपालमा बढेसँगै सरकारले सबै क्षेत्रमा सजकता अपनाउन थालेको छ त्यसैले भोलिदेखि सङ्घीय संसद् बैठक सुरु हुने भएकाले आजदेखि सांसदहरुको पीसीआर विधिबाट कोरोना परीक्षण सुरु गरिएको संसद् सचिवालयले जनाएको छ ।

सांसदहरुमा कोरोना भाइरस सङ्क्रमण भए–नभएको परीक्षण पीसीआर प्रविधिबाट हुने छ । त्यसका लागि आज बिहान १० बजेदेखि राष्ट्रिय सभा सांसदहरुको र ११ बजेदेखि प्रतिनिधि सभा सांसदहरुको स्वाब सङ्कलन सुरु गरिएको छ ।

परीक्षणका लागि आज सांसदहरुको घाँटीको र्यालको नमुना सङ्कलन गरिएको र सबै जनाको परीक्षणको रिपोर्ट भरे बेलुकीसम्ममा आउने सचिवालयले जनाएको छ ।