यूएईमा कोरोना भाइरस संक्रमित नेपालीको संख्या ११ पुग्यो
अहिलेको बर्तमान सममा कोरोना भाइरसले माहामारीरुपलिइ विश्वलाई नै आक्रान्त बनाइरहेको अवस्थामा यूएईमा कोरोना भाइरस संक्रमित नेपालीको संख्या ११ पुगेको छ ।
यूएईको परराष्ट्र मन्त्रालयलाई उद्धृत गर्दै आबुधाबीमा रहेको नेपाली दूतावासले ११ जना नेपालीमा कोरोनाको संक्रमण भएको पुष्टि गरेको हो ।
आइतबार सम्ममा ४ महिला सहित ११ जना नेपालीमा कोरोना संक्रमण भेटिएको दूतावासकी प्रवक्ता एवं उपनियोग प्रमुख रीता धितालले जानकारी दिएकी छन् ।
११ जना नेपालीमध्ये २ जना यसअघि नै निको भएर अस्पतालबाट डिस्चार्ज भैसकेका छन । बाँकी ९ जनाको उपचार भैरहेको र अवस्था सामान्य रहेको दूतावासले जनाएको छ ।
२ जनाको सफल उपचार भएको छ, अरुको पनि निःशुल्क उपचार भैरहेको छ भनि यूएईका लागि नेपाली राजदूत कृष्णप्रसाद ढकालले भने ।
राजदूत ढकालले यूएईको स्वास्थ्य उपचार पद्धति राम्रो भएको र संक्रमित सबै युवा उमेर समूहका भएकाले सबैको सफल उपचार हुनेमा विश्वाश व्यक्त गरेका छन् ।
राजदूत ढकालले नेपाल तथा यूएई सरकारसँग नियमित सम्पर्क भैरहेको र दूतावासले नेपालीहरुकोबारेमा जानकारी लिइरहेको पनि बताए ।
यूएईमा कोरोनाबाट अहिलेसम्म १७ सय ९९ जना संक्रमित भएका छन् । यसमध्ये १ सय ४४ जना निको भैसकेका छन भने १० जनाको मृत्यु भएको छ ।