कोरोनबारे आधिकारिक जानकारी दिन सरकारद्वारा मोबाइल एप सञ्चालन
कोरोना भाइरसको जोखीम नियन्त्रण गर्नको लागि स्वास्थ्य तथा जनसंख्या मन्त्रालयले मोबाइल एप सञ्चालनमा ल्याएको छ ।
उक्त एपमा कोरोना संक्रमित व्यक्तिको पहिचान र उसको उपचारको व्यवस्था मोबाइलबाटै गर्न सकिने जनाएको छ ।
एपको माध्यमबाट सरकारले ५० वर्षभन्दा माथि उमेरका व्यक्तिको बारेमा जानकारी लिने मन्त्रालयका प्रवक्ता डाक्टर विकास देवकोटाले बताए ।
यो एपको माध्यमबाट व्यक्ति आफैँले कोरोना भएरनभएको बारेमा जानकारी लिनसक्ने र तत्काल अस्पताल लैजान सकिने व्यवस्था गरिएको स्वास्थ्यमन्त्री भानुभक्त ढकालले जानकारी दिएका छन् ।
मन्त्रालयका प्रवक्ता देवकोटाका अनुसार यो एपबाट देशभर कति क्वरेन्टीन र आइसोलेशन छन् भन्ने लगायतका विवरण थाहा पाउन सकिनेछ ।
https://www.facebook.com/mohpnep/videos/143519830411312/?t=19
चीनबाट आवश्यक सामग्री आइसकेकाले अब छिट्टै अरु प्रदेशमा पनि कोरोना परीक्षणको व्यवस्था मिलाउने उनले बताएका हुन् ।
यस्तै एउटा अस्पतालमा खोजिएको सुविधा आफू नजिकैको अस्पतालमा रहे नरहेको र अर्को कुन अस्पतालमा सुविधा छन् भन्ने कुरा खोज्न पनि एप सहयोगी हुने उनको भनाइ छ ।