अमेरिकाको न्युयोर्क राज्यमा ‘बुलेट ट्रेन’को गतिमा कोरोनाको सङ्क्रमण फैलिदैँ
युरेपेलीमुलुक अन्तरगत रहेको अमेरिकाको न्युयोर्क राज्यमा ‘बुलेट ट्रेन’को गतिमा कोरोना भाइरसको सङ्क्रमण फैलिरहेको पाइएको छ ।
मङ्गलबार पत्रकारसँग उनले सङ्क्रमणको दर सोचेकोभन्दा उच्च र चाँडो भइरहेको बताएका छन् । त्यहाँका गभर्नर एन्ड्रयु कोमोले कोरोना भाइरस ‘बुलेट ट्रेन’भन्दा तीव्र गतिमा फैलिरहेको भन्दै औषधि उपचारका सामग्रीको आपूर्तिका लागि अपिल गरेको बीबीसीले जनाएको छ ।
संघीय सरकारले आवश्यक सामग्री पठाउन नसकेको र चार सय भेन्टिलेटर पठाएकोप्रति पनि उनले आलोचना गरे ।
न्युयोर्कमा ३० हजार भेन्टिलेटरको खाँचो रहेकोमा अहिले त्यहाँ ७ हजार मात्र भेन्टिलेटर छन् ।
न्युयोर्कमा अहिलेसम्म २५ हजार जनालाई सङ्क्रमण भइसकेको छ भने २ सय १० जनाको मृत्यु भइसकेको छ ।
यस्तै अमेरिकाभरि अहिलेसम्म ५ सय ८२ जनाको मृत्यु भइसकेको छ भने ४६ हजारभन्दा धेरै सङ्क्रमित भएका छन् । चीनबाट सुरु भएको कोरोना भाइरसको महामारी युरोप र अमेरिकामा धेरै फैलिरहेको छ ।
