विश्वकै सबैभन्दा जेष्ठ प्रधानमन्त्री महाथीर मोहम्मदद्वारा राजीनामा
बीबीसी : मलेसियाका प्रधानमन्त्री महाथिर मोहोम्मदले आफ्नो पदबाट राजीनामा दिएका छन् ।
प्रधानमन्त्री कार्यालयका अनुसार उनले स्थानीय समय १ बजे राजीनामा पत्र बुझाएका हुन् । मोहोम्मदको राजीनामा सम्बन्धी अन्य कुनै जानकारी सार्वजनिक गरिएको छैन ।
९४ वर्षीय महाथिर २०१८ मा प्रधानमन्त्री घोषित हुँदा विश्वकै सबैभन्दा जेष्ठ प्रमुखका रुपमा रहेका थिए । त्यतिबेला उनले अरबौँ डलर घोटाला गरेका नाजिब रजकलाई आश्चर्यजनक रुपमा हराएका थिए ।
महाथिर मलेसियाको राजनीतिक इतिहासका महत्त्वपूर्ण पात्र मानिन्छन् जो यसअघि पनि १९८१ देखि २००३ सम्म प्रधानमन्त्री रहिसकेका छन् ।
