दुहबी नगर प्रमुख आवास योजना द्रुत गतिमा निर्माण हुँदै, मेयर गच्छदारले गरे निरीक्षण
सुनसरीको दुहबी ११ स्थित तनमुनामा नगर प्रमुख आवास योजनाको ५० ओटा घर निर्माण कार्य द्रुत गतिमा
भइरहेको छ । इनरुवाको साह ब्राइट बुल जेवी निर्माण कम्पनीले आवास योजनाको भवन ३ करोड ३९ लाख ८१ हजारमा ठेक्का पाएको थियो ।
आइतवार नगर प्रमुख आवास योजनाको निरीक्षण अनुगमन गर्नुहुँदै दुहबी नगर प्रमुख बेदनारायण गच्छदारले बहु वर्षिय गुरु योजना अन्तर्गत हाललाइ २ कोठा र १ भान्सा घर, खानेपानि सहितको ५० ओटा घर बनाएपछि बिस्तार गरिदैं लैजाने बताउँनुभयो । २ विगाहा क्षेत्रमा तयार हुँने नगर प्रमुख आवासलाइ अत्याधुनिक तरिकाले डिजाइन गरिनुकासाथै भवन नजिकै सामुदायिक भवन स्कुल र पार्क समेत बनाउँने अवधारणा अगि सारिएकोले सुकुमवासी तथा विपन्न वर्गकाहरुले प्रत्यक्ष लाभ पाउँने नगर प्रमुख गच्छदारले बताउँनुभयो ।
मंसिर १७ गते ठेक्का लागेको नगर प्रमुख आवास योजनाको ५० ओटा घर निर्माण कार्य २०७७/०७८ सम्ममा पुरा हुँने दुहबी नगरपालिकाका इन्जिनियर हेमनारायण माझीले जानकारी दिएका छन ।
