केन्द्रीय कमिटीमा ओलीले भने- ‘युद्ध दुईतर्फी हुन्छ, तर हामीले गरेका छैनौं’
बुधवारदेखि काठमाडौंमा शुरू भएको केन्द्रीय कमिटी बैठकलाई सम्बोधन गर्दै प्रधानमन्त्री ओलीले संसद् सञ्चालन, सरकार, स्थानीय तह, संविधान कार्यान्वयनका सन्दर्भमा थुप्रै कामहरू भएका दाबी गरे ।
सम्बोधनकै क्रममा नेकपाका अध्यक्ष समेत रहेका प्रधानमन्त्री ओलीले नेकपा नेतृत्वको वर्तमान सरकारविरुद्ध डरलाग्दो प्रचारयुद्ध भइरहेको बताए । ओलीले प्रचारयुद्धलाई सरकारले नतिजाबाट जवाफ दिइरहेको समेत बताए ।
‘हाम्राविरुद्ध प्रचारयुद्ध डरलाग्दो छ, प्रचार आक्रमण । युद्ध दुईतर्फी हुन्छ, तर हामीले गरेका छैनौं । एकतर्फी आक्रमण भएको छ । हामीले नतिजाबाट जवाफ दिएका छौं’ ओलीले भने ।
