रेल चलाउन विदेशी कर्मचारी राख्ने मन्त्रीपरिषदको निर्णय
सरकारले रेल चलाउन सक्ने जनशक्ति नेपालमा नभएमा विदेशी कर्मचारी राख्न नेपाल रेलवे कम्पनीलाई सैद्धान्तिक स्वीकृति दिएको छ । भारतको जयनगर देखि जनकपुर सम्म रेलमार्ग निर्माण भई सञ्चालनको अन्तिम तयारीमा छ ।
जनकपुर-जयनगर-बर्दिबास रेलवे अन्तर्गत तयारी रहेको जनकपुर देखि जयनगरसम्म रेल सञ्चालनको लागि विदेशीलाई पनि नियुक्त गर्न सक्ने सैद्धान्तिक स्वीकृति दिएको सञ्चारमन्त्री गोकुल बाँस्कोटाले बताए ।
नेपालमा रेल चलाउने आवस्यक जनशक्ति नभएपछि मन्त्रीपरिषदको ६ माघको बैठकले विदेशीलाई समेत राख्नसक्ने निर्णय गरेको हो ।
नेपालले भारतबाट रेलसमेत किनिसकेको छ । दुईवटा रेलमध्ये एउटा नेपालका लागि हिँडिसकेको छ ।
