साग अन्तर्गत टि-२० महिला क्रिकेटको उपाधि बंगलादेशको पोल्टामा, श्रीलंका २ रनले पराजित
१३औं दक्षिण एसियाली खेलकुद (साग) अन्तर्गत टि–२० महिला क्रिकेटको उपाधि बंगलादेशले जितेको छ । बंगलादेशसँग श्रीलंका २ रनले पराजित भएको हो ।
बंगलादेशका लागि निगर सुल्तानाले २८ बलमा सर्वाधिक २९ रन बनाइन् । श्रीलंकाकी बलर उमेशा थिमासिनीले एक्लै चार विकेट लिइन् ।
लो–स्कोरिङ म्याचमा श्रीलंकालाई हराउँदै बंगलादेशले २ रनकोे जित निकालेको हो । टस हारेर पहिले ब्याटिङ गरेको बंगलादेश निर्धारित २० ओभरमा ८ विकेट गुमाउँदै ९१ रनमा समेटिएको थियो । श्रीलंका ८९ रनमा अलआउट भयो ।
