कर्मचारीकै कारण संघीयता खतरामा पर्ने भएको छ : प्रचण्ड
सत्तारुढ नेपाल कम्युनिष्ट पार्टी नेकपाका अध्यक्ष पुष्पकमल दाहाल ‘प्रचण्ड’ ले कर्मचारीकै कारण संघीयता खतरामा पर्ने बताएका छन् ।
सुदूरपिश्चम प्रदेश सरकारले आयोजना गरेको वित्तीय सम्मेलन उद्घाटन गर्दै अध्यक्ष प्रचण्डले कर्मचारीको मानसिकता र काम गर्ने शैली पुरानै भएको बताए ।
उनले कर्मचारीका कारण जनताका अधिकार कटौति हुन थालेको समेत बताए । कर्मचारीकै कारण संघीयताप्रति जनता निराश हुन थालेका उनको भनाई रहेको छ ।
संघीयताले घर-घरमा जनतालाई अधिकार दिने परिकल्पना गरेको भए पनि कर्मचारी खटाएको ठाउँमा जान नमान्ने र जनप्रतिनिधिले काम गर्न खोज्दा कानुनी अड्चन देखाएर भाँजो हाल्ने काम गर्नेगरेको उनको आरोप छ ।