नयाँ आमाले शिशुको स्याहारमा जान्नैपर्ने यी हुन् १६ प्रभावकारी टिप्स
एक महिलाको जीवनमा सबैभन्दा महत्त्वपूर्ण पल भनेको आमा बन्नु हो । प्राय: विवाह पछि सबै महिलाहरु आमा बन्न चाहन्छन् । आमा बन्नका लागि गर्भवती हुँदा देखि सन्तान जन्माउँदा र सन्तानलाई हुर्काउँदासम्म धेरै कुराको ख्याल गर्नुपर्छ ।
पहिलो पटक आमा बन्दा महिलाहरु उत्साह र कौतुहलता हुन्छ । तर जसरी शिशु जन्माउने समय नजिकिँदै जान्छ त्यसरी नै महिलाहरुमा के कसरी सम्हाल्ने भन्ने कुरामा भय वा भनौँ आत्तिन थाल्छन् ।
शिशु जन्मिदा के गर्ने ? जन्मिएपछि कसरी केयर गर्ने ? कस्तो कुराले असर पर्छ ? कस्ता कुराले फाइदा गर्छ भन्ने विषयमा नयाँ आमा अर्थात पहिलो पटक सन्तान जन्माएकी आमाले जान्नैपर्ने हुन्छ ।
तसर्थ नयाँ आमाले शिशुको स्याहारमा जान्नैपर्ने केही कुराहरु –
– तपाईको शिशुको लागि आमाको दुध अमृत समान हुन्छ ।
-सकेसम्म शिशु जन्मेको एक घण्टाभित्र आमाको दुध चुसाउन थाल्नुपर्छ ।
-शिशुलाई प्रत्येक २ घण्टामा वा शिशुले खान चाहेको बेलामा दुध खुवाउनुपर्छ ।
-शिशुले एकपटक दुध खाँदा कम्तिमा पनि १५ देखि २० मिनेट सम्म खानुपर्छ ।
-शिशुले २ वा ३ मिनेट मात्रै दुध खाएमा उसको पेट भरिदैन ।
-प्राय: शिशुहरु २ वा ३ मिनेट दुध खाएपछि निदाउँछन्, त्यस्तो अवस्थामा उसलाई दुध खुवाउनु हुदैन । बरु केही समय आराम गरेपछि फेरी उठाएर दुध खुवाउनुपर्छ ।
-२४ घण्टामा ८ देखि १० पटक स्तनपान गराउनुपर्छ ।
-हरेक पटक दुध खुवाई सकेपछि शिशुलाई ठाडो बनाएर ढाडमा मसारेर डकार निकाल्न लगाउनुपर्छ ।
-शिशुले डकारेमा वान्ता हुने, धेरै रुने, पेट ढाडिने, हीक्क हीक्क हुने समस्या आउँदैन ।
-शिशुलाई हरेक दिन बिहानको घाममा कम्तिमा एक घण्टा नाङ्गै बनाएर राख्नुपर्छ ।यस्तो गर्दा शिशुको पेट र छातिको छालामा घाम सिधै पार्नुपर्छ, तर शिशुलाई घाममा राख्दा उसको आँखा र पिसाव गर्ने अङंग भने छोप्दिनुपर्छ । यस्तो नगरेमा शिशुलाई डण्डीस हुने सम्भावन हुन्छ ।
-६ महिनासम्म शिशुलाई आमाको दुध मात्र खुवाउनुपर्छ ।
-६ महिनापछि बालबालिकालाई आमाको दुधसँगै पानी, अन्न, लिटो खुवाउन शुरु गर्नुपर्छ ।
-१ वर्षसम्म शिशुलाई गाई भैसीको दुध र मह खुवाउनु हुँदैन ।
-तेल लगाइदिदा शरीरको छालामा मात्रै लगाउनुपर्छ । आँखा, नाक, कान, नाभी, दिशा–पिसाव गर्ने अंगमा तेल लगाउनु हुँदैन ।
-शिशुलाई आगो, कोइला, दाउरा, ब्रिकेट, हीटर, ग्यासले सेक्नु हुँदैन, यस्ता कुरामा सेकेमा शिशुको स्वास्थ्यमा तथा छालामा समस्या आउन सक्छ । शिशुलाई बिहानको न्यानो घाममा सेक्नुपर्छ ।
-शिशुले हाच्छिउ गर्नु अलिअलि हिक्क गर्नु, तर्सीनु जीउमा सानो सानो रातो विमिरा आउनु सामान्य कुरा हो ।
