आलिया भट्टको अण्डरवाटर फोटोसुट हेरेपछि प्रशंसक नै दङ्ग
बलिउडकी चुलबुली गर्लकी रुपमा परिचित आलिया भट्ट एक सुन्दर नायिकाका हुन् । उनी एक प्रतिभाशाली र मिहिनेती नायिका पनि हुन् । मानिसहरु उनको ड्रेसिङ स्टाइलको दिवाना छन् र बेलाबेलामा उनको ड्रेसिङ स्टाइलको अत्यधिक चर्चा हुनेगर्छ ।
तर आजकाल आलिया आफ्नो अण्डरवाटर फोटोसुटका लागि चर्चामा छिन् जुन उनले फेसन म्यागजिन भोगका लागि गराएकी छिन् ।
आलियाले यो फोटोसुटको कभर आफ्नो इन्स्टाग्राममा सेयर गरेकी छिन् जसलाई प्रशंसकले निकै रुचाइरहेका छन् । कभर फोटोमा आलिया नियोन ग्रीनको बिकिनी स्टाइल ड्रेस लगाइरहेको देखिएकी छिन् ।
उनले यो पोज पानीभित्र दिएकी छिन् । प्रशंसकका अनुसार यो आलियाको अहिलेसम्मकै सबैभन्दा उत्कृष्ट लुक हो । कतिले उनलाई सुन्दर जलपरीको पनि संज्ञा दिएका छन् ।
आलियाको कामको कुरा गर्ने हो भने उनको यस वर्ष ३ वटा ठूला फिल्मह प्रदर्शनका लागि तयार छन् जसमध्ये सडक टु, तख्त र ब्रम्हास्त्र रहेका छन् । उनी अहिले आफ्ना बुवा महेश भट्टको फिल्म ‘सडक टु’ को सुटिङ गरिरहेकी छिन् । यसमा उनी पूजा भट्ट र संजय दत्तकी छोरीको भूमिकामा देखिनेछिन् ।
यसबाहेक उनी करण जोहरको ‘तख्त’मा पनि छिन् जसमा उनका सह- कलाकारका रुपमा रणबीर सिंह, अनिल कपुर, करिना कपुर खान, जान्ह्वी कपुर र भूमि पेडनेकर हुनेछन् । यस्तै, रणबीर कपुरसँग पनि आलियाको ब्रम्हास्त्र नामको एउटा फिल्म छ जसमा अमिताभ बच्चन पनि देखिनेछन् ।
