रौतहटमा गोली हानी एक युवकको हत्या, भारतीय नागरिक हुन सक्ने प्रहरीकाे आशंका
रौतहट : इशनाथ नगरपालिकामा आइतबार साँझ एक युवकको गोली हानी हत्या भएको छ ।
मृतकको सनाखत हुन सकेको छैन । भारतीय नम्बरको मोटरसाइकलमा राखेर ल्याइएका ती युवकमाथि गोली प्रहार गरी अन्य २ जना पुनः भारततर्फ फर्किएको स्थानीयले बताएका छन् ।
इशनाथ नगरपालिका-६ मा भारतीय सीमाभन्दा एक किलोमिटर भित्र नेपालतिर युवकमाथि गोली प्रहार भएको प्रहरीले जनाएको छ ।
भारतबाट आएकाहरुले उतैको नागरिकको हत्या गरेर फरार भएको हुन सक्ने प्रहरीको आशंका छ । घटनाको विषयमा प्रहरीले अनुसन्धान सुरु गरेको जिल्ला प्रहरी कार्यालय रौतहटले जनाएको छ ।
