प्रदेश २ देशभरकै मधेशीहरुको आस्था हो : वीरेन्द्र केएम

भलै म प्रदेश १ का मधेशी हुँ । यद्यपि प्रदेश २ देशभरकै मधेशीहरुको आस्था हो, चाहे त्यो ५ का मधेशी हुन् वा अन्य प्रदेशका । प्रदेश २ का मधेशी होस् वा अन्य प्रदेशका सबै मधेशीप्रतीको नजर यो देशमा एउटै छ । तसर्थ संघीयताको मूल मेरुदण्ड नै प्रदेश २ हो, यसमा कुनै दुई मत छैन । प्रदेश २ अब विकास र समृद्धि केन्द्रित हुनुपर्छ, जेमा पनि बिदा केन्द्रित होईन, प्रदेश २ देशकै नमुना बन्नुपर्छ,भ्रष्टाचार-अनियमिता र हौउवा प्रदेश होइन, यति भन्दैमा हामी प्रदेश २ कै बासिन्दा बन्नुपर्छ भन्ने कदापि तर्क होइनन् । हामी जहाँ छौं त्यहीँ ठिक छौं ।

आजका मुख्यमन्त्री राउत बिरगंजमा जतिबेला प्रध्यापन गरिरहेका थिए त्योबेला स्व. गिरिजाप्रसादका अगाडि काठमाडौंमा म चर्का-चर्का मधेशीका कुरा गर्थें, मधेशीलाई अधिकार सम्पन्न बनाउन मेरो योगदान नै छैन भने होइनन् नी। आजको उपेन्द्र यादवलाई काठमाडौंमा आफ्नै हातले खाना खुवाउने पनि मै हुँ र रौतहट काण्डका बेला मोटरसाइकलमा बोक्नेपनि मै हुँ । 
१८ वर्ष बितिसक्यो यहीँ पत्रकारितामै त्यो पनि मधेशी मिशन पत्रकारितामै, यस अवधिमा मधेशीकै नाममा जेल-नेल के-के भोगे के-के । 
तर म सक्षम छैन भन्ने होईन, म नि चाहेको भए निजामती सेवामा वा अन्य सेवामा नोकरी गर्न सक्थें, राजनीति गर्न सक्थें तर गरिएन, यद्यपि म दुखी भने छैन, मज्जाले कमाएको छु, ऎस-आरामको जीवनयापन गर्दैछु, कसैको खाएको छैन, कसैसँग मागेको छैन, बिगतमा अधिकारका लागी पत्रकारिता गरें, अहिले प्रोफेसनल पत्रकारितामा छु । मेरो समाज समृद्ध बनोस्, मेरो देश विकसित बनोस् र यसमा मेरो पनि योगदान होस् । यसका लागी सदैब प्रयासरत रहेको छु ।

जय नेपाल, जय मधेशी ।