अर्काे वर्षको तिहारमा अक्षयलाई टक्कर दिँदै कंगना, ‘पृथ्वीराज’ भर्सेस ‘धाकड’ मा
बलिउडमा सन् २०२० लाई चलचित्र प्रदर्शनको हिसाबले प्रतिक्षित वर्ष मानिएको छ । सन् २०२०मा एकसएक चलचित्र प्रदर्शनका लागि तयार देखिएको छ । उक्त लिष्टमा अक्षयको ‘पृथ्वीराज चौहान’ र कंगनाको ‘धाकड’ भिड्दैछ ।
अर्को वर्षको तिहारमा ऐतिहासिक युद्धको कथामा बनेको अक्षय कुमारको ‘पृथ्वीराज’ ले कंगनाको एक्सन चलचित्र ‘धाकड’ सँग प्रतिस्पर्धा गर्ने भएको हो ।
अक्षय कुमारले आफ्नो ५२ औँ जन्मदिनका अवसरमा भारतका प्रतिष्ठित राजा ‘पृथ्वीराज चौहान’ को कथा पर्दामा आउने घोषणा गरेका हुन् । अक्षयले आफू यो चलचित्रको हिस्सा बन्न पाउँदा एकदमै खुशी लागेको बताएका छन् ।
यता बलिउड क्वीन कंगनाको धाकड भने यो वर्ष प्रदर्शन हुँदैन । उक्त चलचित्र आगामी वर्ष तिहारमा अक्षयको चलचित्रलाई चुनौती दिने हिसाबले प्रदर्शनमा आउने तयारी रहेको छ ।
यो चलचित्रको टिजर र ट्रेलर भने सार्वजनिक भइसकेको छ । कंगनालाई एकदमै आकर्षक देखिएको छ । उनको फाइटर अवतारलाई फस्ट लुक र टिजरमा एकदमै रुचाइएको छ ।
यस्तै सन् २०२० मा रणवीर कपूर र सलमान खानको चलचित्र पनि आउँदैछन् ।