टोकियोमा दशक यताकै शक्तिशाली आँधी ‘फाई’, जनजीवन प्रभावित
जापानको राजधानी टोकियोमा फाई आँधीका कारण जनजीवन प्रभावित भएको छ । फाई आँधीका कारण टोकियो नजिकै ल्याण्डफल भएको छ ।
फाई आँधीका कारण २१० किलोमिटर प्रति घण्टाको गतिमा हावा चलेको छ । पछिल्लो एक दशकमा राजधानी टोकियोमा आएको यो शक्तिशाली आँधी हो । आँधीकै कारण १३० भन्दा बढी उडान रद्द हुनुका साथै रेल सेवा पनि बन्द भएको छ ।
९ लाख भन्दा बढी घरमा विद्युत आपूर्ति बन्द भएको छ । जापानको सरकारी सञ्चारसंस्था एनएचकेका अनुसार विद्युत आपूर्ति बन्द हुँदा टोकियो क्षेत्रमा मात्रै ९ लाख १० हजार मानिस प्रभावित भएका छन् ।
