Logo
|| August 14, 2019

‘सामाजिक उत्तरदायित्वका लागि पत्रकारिता’

दुर्व्यवहारको आरोपमा पक्राउ परेका नायिका श्वेताका श्रीमान् जमानतमा रिहा

चर्चित अभिनेत्री एवं बिग बस ४ की बिजेता श्वेता तिवारी आजकाल आफ्नो नीजि जीवनका लागि चर्चामा छिन् । उनी पुन: घरेलु हिंसाको शिकार भएकी छिन् ।

श्वेताले आफ्ना श्रीमान् अभिनव कोहलीमाथि घरेलु हिंसाको आरोप लगाएकी थिइन् । जसपश्चात् उनका श्रीमानलाई आइतबार पक्राउ गरी समता नगर पुलिस स्टेशन, कान्दिवलीमा राखिएको थियो ।

भारतीय मिडियामा प्रकाशित समाचार अनुसार अभिनवलाई मंगलबार १५ हजार भारुमा जमानत दिइएको छ । उनको मुद्दा अदालतमा अहिले पनि जारी छ । यो मामलामा श्वेता तिवारीकी छोरी पलकले पनि बयान दिएकी छिन् ।

टाइम्स अफ इन्डियाको एक रिपोर्ट अनुसार अभिनव कोहलीलाई बोरीवली कोर्टमा पेश गरिएपछि उनलाई जमानत दिइयो । श्वेता र उनका श्रीमान् अभिनवबीच थुप्रै दिनदेखि ठाकठुक भइरहेको चर्चा सार्वजनिक भएको थियो । रिपोर्टमा बताइए अनुसार श्वेताका श्रीमान् अभिनव कोहलीले छोरी पलक तिवारीलाई थप्पड हानेको, अपशब्द बोलेको र दुर्व्यवहार गरे ।

यो मामलामा अभिनव कोहलीकी आमा र श्वेता तिवारीकी सासु पुनमले पनि मिडियासँग कुराकानी गरिन् । उनले भनिन्, ‘श्वेता तिवारीले केही समय अघिदेखि नै अभिनवसँग सम्बन्धविच्छेद मागिरहेकी छिन् । तर अभिनव सम्बन्धविच्छेद गर्न राजी छैनन् । उनी छोरा रेयांशका लागि सँगै बस्न चाहन्छन् । ’

उनले भनिन्, ‘मलाई उनीहरुबीच के चलिरहेको छ, राम्रोसँग थाहा छैन ।’ स्मरण रहोस्, यो मामलामा श्वेता तिवारीकी छोरी पलक तिवारीले पनि इन्स्टाग्राम पोष्टमा लेखेर आफ्नो कुरा व्यक्त गरेका छन् ।

पलक तिवारीले लेखेकी छिन्, ‘अभिनव कोहलीले कहिले पनि ममाथि शारीरिक हिंसा गरेनन्, मलाई कहिले पनि गलत तरिकाले छोएनन् । म मानिसहरुलाई के आग्रह गर्न चाहन्छु भने कुनै पनि मिडिया रिपोर्टलाई विश्वास नगर्नुहोस् । यद्यपि, उनले लगातार अनुचित र तनावमा पार्ने टिप्पणी गरेका छन् जसबारे म र मेरी आमालाई मात्रै थाहा छ । त्यस्ता शब्द जसले कुनै पनि महिलाको इज्जत उतार्न सक्छ, त्यस्ता शब्द जुन कुनै पनि पुरुषबाट सुन्न सक्नुहुन्छ तर कुनै पिताबाट होइन ।’

प्रकाशित मिति: २९ श्रावण २०७६, बुधबार १४:४०

प्रतिक्रिया दिनुहोस्