सनी लियोनीले मोवाइल नम्बर दिएपछि युवालाई तनाव
अभिनेत्री सनी लियोनीले दिएको मोवाइल नम्बरले युवालाई तनाव भएको छ । बलिउड अभिनेत्री सनी लियोनीद्वारा अभिनित फिल्म ‘अर्जुन पटियाला’ २६ जुलाईमा रिलिज भएको थियो ।उक्त फिल्मले खासै चर्चा बटुल्न नसकेपनि एउटा सिनका कारण भने अहिले चर्चासंगै एकजनाले तनाव पनि बेहोरी रहेका छन । खास कुरो के छ भने उक्त फिल्मको एक सिनमा सनीले एक मोबाइल नम्बर बताएको देखिन्छ ।
तर, उनका केहि प्रसंसकलाई भने रिल लाइफमा नभएर रियल लाइफमै उक्त नम्बर सनीकै सम्झेपछि यसले समस्या निम्त्याएको छ ।युवाहरूले उक्त नम्बरमा फोन गर्न थालेका छन । तर त्यो मोबाइल नम्बरमा फोन गर्दा सनीलाई नभएर राजधानी दिल्लीमा रहने पुनीत अग्रवाललाई तनाव भएको छ ।
उक्त नम्बरका मालिक पुनील अहिले अहिले यो नम्बर सनीको होइन भनेर भन्दाभन्दा वाक्क भइसकेको छन् ।
पुनीतलाई दैनिक एक सयभन्दा बढी सनीलाई भन्दै फोन आउने गर्छन् ।
फोन गर्ने सबैले सनीसँग कुरा गर्न चाहेको बताउँछन् । यो फोनबाट पुनीत यति तनावमा परे कि, उनले सनी र निर्माताविरुद्ध प्रहरीमा उजुरी नै दिएका छन् । तर मोबाइलमा भने फोन आउन अझै छोडेको छैन ।
