नेपाली क्रिकेट टिमले आफ्नो जीतलाई गरे बाढी–पहिरो तथा डुबान प्रभावितप्रति समर्पण
काठमाडौँ : नेपाली राष्ट्रिय क्रिकेट टिमले आफ्नो जीतलाई बाढी पहिरो तथा डुबानमा परेर ज्यान गुमाएका र प्रभावित भएकाहरुप्रति समर्पित गरेको छ ।
टिमका कप्तान पारस खड्काले मलेसियाविरुद्धको टी–२० सिरिजको जित बाढी पहिरो तथा डुबानमा परेर ज्यान गुमाएका र प्रभावित भएकाहरुमा समर्पित गरेका हुन् ।
सामाजिक सञ्जाल ट्विटरमा एक सन्देश जारी गर्दै पारसले बाढी पहिरोमा ज्यान गुमाएका र प्रभावितहरुमा उपाधि समर्पित गरेको उल्लेख गरेका हुन् ।
मलेसियाविरुद्ध दुई खेलको सिरिजमा २–० ले क्लिन स्विप गरेको नेपालका लागि यो उत्कृष्ट जित भएको पनि उनले बताएका छन् ।
उनले टिममा सबैको महत्वपूर्ण योगदान रहेको बताएका छन् । शनिबार मलेसियाविरुद्ध पहिलो खेल ७ विकेटले जितेको नेपालले आइतबार दोस्रो खेल ६ रनले जितेको हो ।
Good win last couple of days..Great effort from everyone..
Thank you all for the support..
Our victory dedicated to the all people who have lost lives and been affected by the floods and landslides..
Jai Nepal …!! pic.twitter.com/3lSnvJEWqX— Paras Khadka (@paras77) July 14, 2019
