सिद्धुले तोडे कांग्रेससँगको नाता, दिए पञ्जाबको मन्त्रीमण्डलबाट राजीनामा
भारतीय कांग्रेस नेता एवम् पूर्व क्रिकेटर नवजोत सिंह सिद्धुले मुख्यमन्त्री अमरिंदर सिंहलाई आफ्नो राजीनामा पठाएको जानकारी दिएका छन् । पञ्जाबको मन्त्रीमण्डलबाट राजीनामा दिएका सिद्धुले ट्वीट गरेर आफूले मुख्यमन्त्री अमरिंदर सिंहलाई आफ्नो राजीनामा दिएका छन् ।
राजीनामा सम्बन्धी जानकारी दिनुभन्दा पनि पहिले ट्वीटमार्फत जुन १० मा कांग्रेस अध्यक्ष राहुल गान्धीलाई लेखेको पत्र पनि ट्वीट गरेका थिए । पञ्जाबका मुख्यमन्त्री अमरिंदर सिंह र नवजोत सिंह सिद्धुबिचको सम्बन्धमा तनाव आएका कुरा लामो समयदेखि चर्चामा थियो ।
लोकसभा चुनावमा राज्यमा कांग्रेसले राम्रो गर्न नसक्नुमा अमरिंदरले सिद्धु दोषी रहेको आरोप लगाएका थिए । जुन ६ मा अमरिंदरले सिद्धुसहितका मन्त्रीहरुको मन्त्रालय परिवर्तन गरेका थिए । त्यसबाट उनी निराश भएका थिए र मन्त्रीपरिषद बैठकमा सहभागी भएका थिएनन् ।
