Logo
१६ चैत्र २०८०, शुक्रबार
(July 12, 2019)

‘सामाजिक उत्तरदायित्वका लागि पत्रकारिता’

धर्मशास्त्रअनुसार तपाईंले आफ्नो जीवनमा गोप्य राख्नैपर्ने यी ७ कुराहरु

सामान्यतया हामीले जीवनमा धेरै कुराहरु भोगिरहेका हुन्छौँ । धेरै कुराहरु हाम्रा जीवनमा घटिरहेका हुन्छन् र  त्यस्ता कुराहरु हामीले आफ्नो दाजुभाइ अथवा साथीभाइसँग शेयर गरिरहेका हुन्छौँ ।

तर धर्मशास्त्रअनुसार यस्ता केही कुरहहरु छन् जुन गोप्य राख्न अत्यन्त आवश्यक हुन्छ अर्थात् त्यस्ता कुराहरु झुक्किएर कसैलाई पनि शेयर गर्नुहुँदैन ।

के हुन् त ती कुराहरु ल हेर्नुहोस् :

१. दान :

धर्मशास्त्र अनुसार तपाईंले दान कसलाई र कति दिनुभएको छ भन्ने कुरा अरु कसैलाइ पनि भन्नु हुँदैन । तपाईंले फलानोलाई यति दान गरेँ भन्दै हिड्नु भयो भने त्यो दानको फल प्राप्त हुदैन ।

२. मन्त्र : 

यदि तपाईंलाई कुनैपनि गुरुले मन्त्र दिनुभएको छ भने त्यो मन्त्रलाई पनि गोप्य राख्नुस् । धर्मशास्त्र अनुसार गुरुले दिएको मन्त्र अरुलाई सुनाउँदै हिड्नु भयो भने त्यो मन्त्रले काम गर्दैन ।

३. घर परिवारको झगडा : 

तपाईंको परिवारमा पनि कहिलेकाहीं घर झगडा पर्न सक्छ । यो सामान्य कुरा हो । तर यो कुरा ख्याल राख्नुस् कि आफ्नो घरभित्र भएको झगडा अरु कसैलाई सुनाउनु हुँदैन । यदि सुनाउनु भयो भने अरुले तपाईंको कमजोरी थाहा पाएर त्यसैमा खेल्न सक्छन् ।

४. अपमान :

तपाईं कहिं कतै जानु भयो र कसैबाट अपमानित हुनु भयो भने त्यो कुरा पनि गोप्य नै राख्नुस् । किनकी त्यही कुरालाई लिएर अरुले पनि तपाईलाई पटक-पटक खिल्ली उडाउने, होच्याउने काम गर्न सक्छन् ।

५. यौन सम्बन्ध : 

तपाईंले कसैसँग यौन सम्बन्ध राखेको कुरा पनि सँधै गोप्य राख्नुस् । यो कुरा अरुलाइ भनेर मजा लिनु राम्रो हुँदैन । यसले नकरात्मक असर पार्न सक्छ ।

६. पद तथा प्रतिष्ठा : 

सामान्यता कुनैपनि मानिसहरुमा पद प्रतिष्ठा प्राप्त गरेपछि मात्तिने स्वभाव हुन्छ । तर, पद र प्रतिष्ठाको विषयमा सकेसम्म आफूले अरुसँग कुरा गर्नु हुँदैन ।

७. धन हानी : 

कहिं कुनै कारणले तपाईंको धन हानी भयो भने पनि त्यस्तो कुरा गोप्य राख्नुस् । यस्ता कुराहरु अरुसँग सुनाएर पनि तपाईको धन फर्किने होइन । यसबाट तपाईंको मजाक उडाउने बाहेक अरु केही हुँदैन ।

प्रकाशित मिति: Jul 12, 2019

प्रतिक्रिया दिनुहोस्