आजबाट यी रुटमा साझाका रात्रीकालिन बस सेवा सुरु हुँदै
काठमाडौँ : उपत्यकामा आजबाट रात्रीकालीन बससेवा सञ्चालन भएको छ । साझा यातायात सहकारी संस्थाले काठमाडौँका मुख्य सडकमा परिक्षणका रुपमा गत साताबाट राति ९ बजेबाट रात्रिबस सुरु गरेको हो ।
साँझ ६-७ बजेपछि सार्वजनिक सवारी नपाउने र पाए पनि भीडका कारण चढ्नै मुश्किल हुने समस्यालाई मध्यनजर गर्दै साझा यातायातले उक्त सेवा सुरु गरेको हो । ३ रुटमा बस सुरु भएको संस्थाका व्यवस्थापक महेन्द्रराज पाण्डेले बताए ।
उनका अनुसार न्युरोड गेटबाट नारायणगोपाल चोक हुँदै नयाँ बसपार्क, न्युरोड गेटबाट त्रिपुरेश्वर हुँदै कलंकी र न्युरोड गेटबाटै नयाँ बानेश्वर, त्रिभुवन अन्तर्रा्ष्ट्रिय विमानस्थल हुँदै नयाँ बसपार्कसम्म गरेर ३ रुटमा अहिले बस सुरु भएको छ ।
अहिले परिक्षणका रुपमा ३ वटा बसबाट सुरु गरिएकामा आगामी दिनमा रात्रिबस विस्तार गर्दै जाने संस्थाले जनाएको छ ।
