सार्क फिल्म फेस्टिवलमा नायिका स्वस्तिमालाई ‘बेस्ट परफर्मर’ को उपाधि
काठमाडौं : श्रीलंकामा जारी सार्क फिल्म फेस्टिवलमा अभिनेत्री स्वस्तिमा खड्काले फिल्म बुलबुलका लागि अवार्ड जितेकी छिन् ।नायिकाले आफ्नो इन्स्टाग्राम अकाउन्टमा आफूले ‘बेस्ट परफर्मर’ को उपाधि हात पारेको जानकारी दिएकी छिन् । उनले अवार्ड हातमा बोक्दै उक्त अवार्ड नेपालको लागि समर्पित गरेकी छिन् ।
यसअघि नायिका गरिमा पन्तले चलचित्र झोलाबाट उत्कृष्ट नायिकाको अवार्ड हात पारेकी थिइन् । सार्क फिल्म फेस्टिबलमा दिनेश राउत निर्दे्शित चलचित्र ‘प्रसाद’ र बुलबुल प्रतिस्पर्धामा थिए ।
