हेल्थ टिप्स : पिसाब पोल्ने समस्याबाट बच्न अपनाउनुहोस् यी उपाय
काठमाडौँ : गर्मीमा हामी धेरैजसो पिसाब पोल्ने समस्याबाट पीडित हुन्छौँ । गर्मीमा पानीको मात्रा कम हुनाले पिसाब पोल्ने गर्छ ।
पिसाब पोल्नु, पिसाब गर्दा दुख्नु जस्ता समस्या अन्य रोगको संकेत पनि हुनसक्छ । मुत्रनलीको संक्रमण लगायतका थुप्रै कारण पनि समस्या आएको हुनसक्छ जसलाई समयमा उपचार गर्नुपर्ने हुन्छ । समयमा ध्यान नदिँदा धेरै समस्यमहरु आइपर्नसक्छ ।
हेरौँ यसका लक्षण, कारण र यसबाट बच्ने उपायहरु :
पिसाब पोल्ने कारण
१. मधुमेह
२. मुत्रनलीको संक्रमण
३. कलेजोसम्बन्धी रोग
४. मेरुदण्डमा चोट
५. शरीरमा पानीको मात्रा कम
६. मुत्रमार्गमा संक्रमण
७. मृगौलामा पत्थरी हुनु
लक्षण
१. मुत्राशयमा पीडा
२. पिसाब गन्हाउनु
३. पिसाबको रंग गाढा पहेँलो हुनु
४. पटक पटक तर थोरै पिसाब आउनु
घरेलु उपचार
- पर्याप्त पानी पिउनुहोस्। यसले मुत्राशयमा रहेको हानिकारक ब्याक्टेरिया पिसाबको माध्यमबाट बाहिर निकाल्छ ।
- सिट्रिक एसिड अधिक भएको फल खानुहोस् । यसले ‘युरिन इन्फेक्सन’ गराउने ब्याक्टेरिया नष्ट हुन्छ ।
- राति एक चम्चा धनिया पाउडर एक गिलास पानीमा मिसाएर राख्नुहोस् । बिहान उक्त पानीमा चिनी वा सख्खर मिसाएर पिउनुहोस् ।
- पिसाब पोल्ने समस्यामा अनारको जुस पिउनु पनि लाभदायक हुन्छ ।
- सुकुमेल र बदामलाई मिश्रीसँग मिलाउर एक गिलास पानीको साथमा पिउने गर्नुहोस् ।
- चामलको माडमा थोरै चिनी मिसाएर पिउनुपर्छ। नरिवलको पानी निकै उपयोगी मानिन्छ ।
- सरसफाइमा ध्यान दिनुहोस् । दिनमा ३-४ पटक गुप्ताङ्ग धुनुहोस् ।
