बाहिरबाट खाना किनेको मामिलामा प्रधानमन्त्री नेतान्याहूकी पत्नीलाई लाग्यो भ्रष्टाचारको मुद्दा
एजेन्सी : इजरायलको एउटा अदालतले आइतबार प्रधानमन्त्री बेन्जामिन नेतान्याहूको पत्नी सारा नेतान्याहूलाई भ्रष्ट्रचार मुद्दामा दोषी ठहर गरेको छ ।
उनीमाथि भोजनको लागि विनियोजित सरकारी कोषको गलत प्रयोग गरेको भन्ने मुद्दा परेको थियो । त्यो मुद्दा सन् २०१८ जुनमा परेको थियो ।
जसमा उनीमाथि सरकारी आवासमा भान्छेको व्यवस्था भएर पनि बाहिरबाट खाना किनेको मामिलामा भ्रष्टाचारको मुद्दा लागेको थियो । अदालतको फैसलापछि साराले ‘प्ली बार्गेन’ अन्तर्गत दोष स्वीकार गरेर सजायँ कम गर्ने विकल्प रोजेकी छिन् ।
सारा नेतान्याहूलाई अर्को एक जना व्यक्तिको गल्तीबाट फाइदा लिन खोजकोमा पनि दोषी ठहराइएको छ । त्यस दोषको लागि उनलाई ठूलो रकम जरिवाना तिर्न आदेश दिइएको छ ।