चुरेमा बस दुर्घटना : १ को मृत्यु ,२० घाइते, ४ को अवस्था गम्भिर
हेटौंडा : हेटौँडा उपमहानगरपालिका-१५ मा बस दुर्घटना हुँदा १ महिलाको मृत्यु भएको छ । चितवनको नारायणगढबाट वीरजञ्जतर्फ जाँदै गरेको ना ५ ख ४०१५ नंको दिवासेवाको यात्रुवाहक बस हेटौँडा-वीरगञ्ज सडकखण्डको चुरेमा अनियन्त्रित भई सोमबार बिहान दुर्घटना भएको प्रहरीले जनाएको छ ।
दुर्घटनामा घाइतेको हेटौँडा अस्पतालमा उपचारको क्रममा मृत्यु भएको हो । मृत्यु भएकी महिलाको अहिले सनाखत भइनसकेको जिल्ला प्रहरी कार्यालय मकवानपुरले जनाएको छ ।
सो दुर्घटनामा परी घाइते भएका २० यात्रुको हेटौँडास्थित चुरेहिल अस्पताल र हेटौँडा अस्पतालमा उपचार भइरहेको प्रहरीले जनाएको छ । घाइते २० मध्ये चारको अवस्था अत्यन्तै गम्भीर रहेको जिल्ला प्रहरी कार्यालय मकवानपुरले जनाएको छ।