जब एक युट्युबरले प्रयाङको नाममा गरिबलाई बिस्कुटमा टुथपेष्ट राखेर खानदिएपछि…
अहिले सामाजिक सञ्जालमा हिट हुन अनेक हतकाण्ड अपनाउने चलन निकै बढिरहेको छ । चाहे त्यो प्रयाङक गरेर होस वा अन्य कुनै माध्यमबाट । तर कहिलेकाही चर्चामा आउन गरिने यो हतकाण्डले मानिसहरुले जेलको कालो कोठरीको बास बस्नु पर्ने हुन्छ भन्ने प्रमाणित हुदै आएको छ यस्तै उदाहरण स्पेनमा पनि भएको छ ।
एक जना युट्युवरले प्रयाङक गर्ने योजना बनाएर एक जना घरबार बिहिन गरिवलाई विस्कुटको प्याकेज किनेर बिस्कुटको क्रिम निकालेर टुथपेस्ट राखेर खान दिन्छन् । जर्ज नाम गरेका ती गरिबले बिस्कुट खाँदै गर्दा अचानक उनको स्वास्थ्य अवस्था बिग्रन्छ अनि ढल्छ । प्रयाङक गर्ने चर्चित युट्युवर कंघुआ रेनले तब सम्म सबै गतिविधीहरुको भिडियो बनाईरहेका थिए ।
जब ती जज नाम गरेका गरिब ढल्छन् तब उनले भन्छन् “मैले सायद आफनो सिमा नाघे तर सकरात्मक पक्ष यो छ की यसले गरिब मानिसको दाँत सफा भयो र अब उसले दाँत सफा गर्न कुनै डेन्टिस्टकोमा जानु पर्दैन” ।
उनको उक्त भिडियो यति भाईरल बन्यो की प्रहरीले उनलाई प्रक्राउ नै गर्यो। जुन भिडियोबाट उनले २२०० डलर कमाएका थिए । उनलाई गरिबको अपमान गरेको , खिल्ली उडाएको र नैतिकता नै नभएको काम गरेको भन्दै उनलाई प्रक्राउ गरिएको हो ।
त्यतीमात्र होईन कंघुआ रेनले प्रयाङक भन्दै स्कुलका बच्चा तथा बृद्धृबृद्धाहरुलाई बिरालोको दिशा खुवाउने सम्म काम गरेको आरोप लगाएको थियो । यस्तै आरोपहरुकाबीच प्रक्राउ परेका कंघुआ रेनलाई अदालतले गरिब मानिसलाई दुख दिएको भन्दै डेढ बर्षको जेल सजाय सुनाईएको छ भने २२ हजार डलर क्षतिपुर्ति दिन समेत अदालतले आदेश दिएको छ । साथै कंघुआ रेनको सबै सामाजिक सञ्जाल तथा युट्युव ५ बर्षसम्मका लागि बन्द गरिदिएको छ ।